محمد الشناوي ينفعل ردا علي صحفي بسبب سياسة المداورة بين مصطفى شوبير!

رد محمد الشناوي حارس مرمى الفريق الأول لكرة القدم بالنادي الأهلي، علي جلوسه علي الدكه فى مباراة الفريق أمام سيراميكا كليوباترا في السوبر المصري.

ويستعد فريق المارد الأحمر، لمقابلة سيراميكا كليوباترا مساء الأحد، في مباراة دور نصف نهائي بطولة كأس السوبر المصري.

تصريحات محمد الشناوي قبل مواجهة سيراميكا كيلوباترا فى السوبر المصري

وقال الشناوي خلال المؤتمر الصحفي: “ليست المرة الأولى التي نتواجد فيها في السوبر بالإمارات، نشارك للسنة الثانية على التوالي في السوبر المصري، لدينا مباراة قوية غدًا أمام سيراميكا كليوباترا، ونحضر لها جيدًا ونتمنى أن تتواجد الجماهير بكثافة لأنها تمنحنا دافع كبير”.

واضاف: “دائمًا نكون سعداء بالتواجد في الإمارات، ونتفائل باللعب هنا لأننا حققنا بطولات وانتصارات كثيرًا هنا، خصوصًا على ملعب العين الذي سيستضيف المباراة غدًا،ة وكذلك التنظيم يكون على أكمل وجه”.

ورد الشناوي بسؤال علي جلوسه علي الدكه واتباع سياسة المدواره مع شوبير : “احنا اتكلمنا في الموضوع ده اكتر من مره، في الأول وفي الأخر احنا بنلعب لنادي واحد ومصلحتنا احنا الأتنين لـ النادي الأهلي”.

وتابع:”أي 11 لاعب هيكون هدفهم هو اسعاد الجمهور والنادي، وفي تفاهم كبير اوي بيني وبين مصطفي في الموضوع ده بالذات، مصطفي شوبير قدم بطولة أفريقيا فوق الممتاز وهو اخويا الصغير وانا اكتر واحد بسانده جوا النادي”.

واضاف:”أي لاعب في أي مركز في الفرقة هيبقي موجود هيقدم كل اللي عنده عشان مصلحه النادي واسعاد الجماهير، مين يلعب ومين ميلعبش دي بتاعت المدير الفني للمارد الأحمر والكل جوا الفرقه بيحترم قرارات مستر كولر ومحدش يقدر يعترض عشان ده سيستم النادي ماشي عليه من زمان”.